|
Главна и основна научноистражувачка дејност во ова
одделение е да врши проучувања врз некои поважни
својства од областа на биологијата, екологијата и
морфологијата на болестите и штетните инсекти на
расадот и расадениот тутун како и во складиштата на
тутунската суровина и преработките.
Исто така, се испитува
ефикасноста на најсовремените пестициди во сузбивањето
на болестите, штетните инсекти и плевелната флора кај
тутунот и нивното влијание врз промените на некои
квалитетни особини на тутунот.
Со посебен интерес се
проучувани и односите помеѓу фитоценозите,
ентомофауната, патогените микроорганизми, ентомофагите
и паразитите кај некои видови штетни
инсекти, од аспект на примена на биолошки методи за
борба против штетниците на тутунот, како и улогата на
одделни инсекти во трансмисијата на вирусните болести
кај тутунот.
Во последно време сé
работи и на биолошка заштита на тутунот од одредени
болести и штетници. |
